სადეგუსტაციო დაფა-"რა ყოფილა გურია"

როცა ცხელი, სურნელოვანი სუნელებით შეზავებული გურული კუპატის პირველ ლუკმას აგემოვნებ და ზედ „ბადიშის“ საოჯახო საწებელს ატან, ზუსტად ეს ფრაზა ამოგხდება: „რა ყოფილა გურია!“

ეს დაფა ნამდვილი გურული ხასიათისა და დაუვიწყარი გემოების აღმოჩენაა. ჩვენი კუპატი უნიკალური წესით — ცხემლის, მსხლის, ტყემლის, მანდარინისა და შინდის შეშის კვამლზე იბოლება, რაც მას განუმეორებელ არომატს სძენს. ამ ცეცხლოვან კერძს იდეალურად ავსებს „ბადიშის“ ოთხი განსხვავებული საწებელი: „ხარისგულა“ პომიდვრის, ღოღნაშოს ტკბილ-მჟავე, და ახლად შეზავებული მწვანე თუ წითელი ტყემლის ნაჟურები. ამ ყველაფერს კი მშვენივრად აბალანსებს აჯიკებში დამარინადებული სოფლის ყველი და ახლად გამომცხვარი მჭადი.

დაფა განკუთვნილია 1 პერსონაზე

შემადგენლობა:

• შებოლილი გურული კუპატი — ტრადიციული სუნელებით შეზავებული, შებოლილი ხუთი სახეობის შეშის (ცხემლი, მსხალი, ტყემლი, მანდარინი, შინდი) კვამლზე

• „ბადიშის“ 4 სახის საწებლის ასორტი:

  1. „ხარისგულა“ პომიდვრის საწებელი

  2. ღოღნაშოს უნიკალური მოტკბო საწებელი

  3. ახლად შეზავებული მწვანე და წითელი ტყემლის საწებელი

• აჯიკებში დამარინადებული ყველი — სოფლის ყველი, დამარინადებული „ბადიშის“ საფირმო აჯიკებში (საოჯახო საიდუმლო რეცეპტით)

• გურული მჭადი

წარმომავლობა და ავთენტურობა:

• არტეზანული შებოლვა: კუპატი იბოლება ბუნებრივად, ხილისა და ადგილობრივი შეშის შერჩეული ჯიშების ნელ კვამლზე, ყოველგვარი ხელოვნური დანამატის გარეშე.

• საოჯახო წარმოება: საწებლები და აჯიკები მომზადებულია „ბადიშის“ კარ-მიდამოში მოწეული ნატურალური ინგრედიენტებითა და ექსკლუზიური რეცეპტურით.